Title.

wala akong maisip na title. ikaw,meron?

*

Humigop ako ng kaunting hangin
kinolekta ang lahat ng makakaya--
umakyat ang mga balikat,
may papikit-pikit pa
at saka sila pinakawalan
sa isang buntung-hininga.

Sa tingin ko
ngayon alam ko na
kung bakit wag raw gaanong mangalumbaba.

At pumalatak,
bumuntung-hininga
nang parang walang bukas
pagkat sa'king pagkawala
ay nalaman ang isang katotohanan:

Ang kapalaran ng isang buntung-hininga
ay ang umakyat sa kalangitan
at itulak ang mga ulap.

Kung gayon.

Sa tingin ko di ko kayang isiping
ako ang siyang dahilan
ng bagyong sumira
sa bubong ng aming kapitbahay.