ipaliwanag mo sa akin.

Minsan, tinanong ako ng bulag:

"Ano ang dilaw? Ipaliwanag mo sa akin."

Ah...Madali lang ito. Dilaw. Dilaw ang kulay ng araw, ng mangga, ng saging na hinog...

at sa kalagitnaan ng aking pananalita, gitlang-gitla ako sa mukha ng bulag. Walang bahid ng, "Ah..Naiintindihan ko na." Nabatid ko ang aking kahangalan. Hindi pa niya ito nararanasan. Naghintay pa rin ang bulag at akin siyang tinitigan.

Hindi maaari. Hindi talaga maaari. Hindi hangga't iyong nararanasan.

Nawala ang kulay sa mukha ng bulag at lumakad papalayo. At niyong sandaling iyon ay isinigaw ko ang isang pahabol:

Ginoo, minsan ba'y ika'y naging masaya na?

"Oo naman, oo naman."

Kung gayon iyon ang dilaw. Gano'n ang dilaw.

*

Tulang isinulat ko para kay Therese Lansangan nang hingan kami ng isang alaala para sa kanya. Sa rami ng pinagsamahan, ang hirap ipaliwanag. Kaya eto nalang. Muli, maligayang bati ;)

Para kay Therese:: Kung mababasa mo man iyong sinulat ko sa canvas, at iba ang nakasulat dito, ito paniwalaan mo dahil pinahaba ko lang iyong sa canvas :)) At sakali mang magkaiba ang nakasulat dito at sa kopyang kinuha mo, pasensya na. Haha Inalala ko lang kasi to at hinugot sa utak, BAT MO KASI KINUHA KOPYA KO >:P haha