kabilaan

binalak kong bilugan ang sagot sa test
pero naisip kong naikahon na
ako ng kumbensyon ng pagsagot.

titignan ko sana ang oras
sa pag-uwi
pero ako'y nagmamadali;
wala nang oras.

inapakan ko ang ipis na
lumilipad at nananakot sa akin.

pinindot ko ang "return"
para magpatuloy.

tumulalala ako
para
maghanap ng kahulugan.

magmumura sana ako pero
naalala kong
mas dakila pala ang
magmahal.