hiniram ng ate ko ang tsinelas ko.

pagsaksak pa lang ng paa ko
sa mumurahing pambahay na tsinelas
ramdam na ramdam ko:
hindi swak ang talampakan ko sa lalim nito,
mali ang kapit ng goma sa kaliwang bahagi ng aking kanang paa.
parang napakalayo na ng tsinelas ko
pero kahapon lang naman nang huli kong sinuot.
at ngayon!
nasaan ang saktong pagkaukit ng goma sa paa,
nasaan ang tila magkakambal na pagkakadikit
ng balat sa berdeng sapin sa paa?
nasaan?
di nakakatuwa
ngunit nakakatawa
na sa isang paggamit ng ibang paa,
ang paborito kong tsinelas,
di ko na kilala.