Pilipino,sino ka?

*a friend asked me to write a paragraph on who the modern filipino is.do read this with conviction cause i wrote it with much of it. :)*

Sandaan at siyam na taon malipas ang diumanong paglaya ng Pilipinas mula sa mga dayuhan, naitanong nga ba natin kung sino tayo? Sino ang Pilipino at ano ang naghihiwalay sa kanya mula sa iba pang kultura.

Madaling sagutin na ang Pilipino ay halo ng iba't ibang mga lahi bunga na rin ng matagal na pananakop. Pero yun lang ba ang identidad natin--mga tira-tirang retaso ng kung sinumang dayuhan? Tila di ko yata matatanggap iyon. Para sa akin, ang Pilipino ngayon ay ang mga taong gipit, mga taong hirap, mga taong gutom. Pero sa kabila ng ito, naniniwala akong ang mga taong Pilipino ay silang mga taong nagsisikap, mga taong nangangarap, mga taong umaasa na bagamat ubos at said na ang lahat ng pag-asang pwedeng asahan, kumakapit pa rin at pinipilit lumangoy sa agos ng buhay ang tunay at modernong Pilipino.